انصار: (د لیندۍ ۲۵مه)، په سوریه کې له راغلي بدلون څخه په استفادې د اسراییل پوځ د دغه هیواد په خاوره کې پرمختګ ته دوام ورکوي. پخوانیو تجربو ته په کتو، دا پوځ له اشغالي سیمو څخه نه یوازې به شا شوی نه دی بلکې د جولان د لوړو په شان یې هغه له خپلې خاورې سره یوځای کړي دي.
د اسراییل پوځیان، چې په وروستیو ورځو کې یې د سوریې پر خاوره هوایي بریدونه کړي او پرمختګ یې کړی دی، د سوریې په پوځ کې د خلا او د بشار اسد د رژیم تر سقوط وروسته د نظامي مقاومت له نشتوالي څخه په ګټه اخیستنې سره، اوس د دمشق تر دروازو رسېدلي دي.
اوس اسراییلي پوځ د ۶۰۳ انجینیري کنډک تل حدار سیمې ته رسېدلی دی، چې دا د سوریې په خاوره کې تر ټولو ژوره سیمه ده چې تر دې وړاندې هیڅکله اسراییلي ځواکونه دذ سوریې خاورې ته دومره ډېر نه وو ننوتي. دا سیمه له پولو څخه ۱۰ کیلومتره او له دمشق څخه شاوخوا ۲۰ کیلومتره لیرې ده. وروستی ځل د ۱۹۷۳ د اکتوبر ۱۲ مه وه چې اسراییلي ځواکونو جولان لوړې ونیولې.
د ملګرو ملتونو سرمنشي د اسراییلي ځواکونو له خوا د تاوتریخوالي د سمدستي کمولو او د جولان له حایلي سیمې څخه د اسراییلي ځواکونو د وتلو غوښتنه وکړه.
انتونیو ګوتریش د پنجشنبې په ورځ په یوه بیان کې وویل چې هغه د اسراییل له لوري د سوریې د واکمنۍ او ځمکنۍ بشپړتیا د وروستیو پراخو سرغړونو په اړه ژوره اندېښنه لري.
په دې بیان کې راغلي: سرمنشي په ځانګړې توګه د اسراییل د سلګونو هوایي بریدونو په اړه چې د سوریې په بېلابېلو برخو کې ترسره شوي، اندېښنه لري.
URL تعقيب: https://www.ansarpress.com/pashto/34836
